Мәдениет және ұлттық салт-дәстүр күні

Бүгін мектебімізде Наурызнама онкүндігі аясында 16 наурыз – Мәдениет және ұлттық салт-дәстүр күні кең көлемде аталып өтті. Бұл күннің басты мақсаты – жас ұрпаққа халқымыздың бай мәдени мұрасын, ұлттық салт-дәстүрлерін насихаттап, олардың мәні мен маңызын түсіндіру.
Шара барысында оқушылар қазақ халқының ежелден келе жатқан әдет-ғұрыптары мен дәстүрлерін таныстырып, ұлттық құндылықтарды дәріптеді. Ұлттық киімдер киіліп, салт-дәстүрлерге байланысты көріністер қойылып, халқымыздың мәдениеті мен тарихына қатысты танымдық жұмыстар жүргізілді. Сонымен қатар оқушылар ата-бабадан қалған асыл мұраны құрметтеу, салт-дәстүрлерді сақтау және оны келер ұрпаққа жеткізу керектігі туралы өз ойларымен бөлісті.
Осындай тәрбиелік мәні зор іс-шаралар оқушылардың ұлттық сана-сезімін қалыптастырып, туған халқының мәдениеті мен дәстүрлерін қадірлеуге, бірлік пен татулықты нығайтуға тәрбиелейді.
Наурыз – жаңару мен жақсылықтың, береке мен бірліктің мерекесі. Осы мереке аясында өткен Мәдениет және ұлттық салт-дәстүр күні ұлттық құндылықтарымызды ұлықтауға, халқымыздың рухани байлығын насихаттауға бағытталған тағылымды күн болды.