Наурыз: дәстүр мен жаңарудың үндесуі», «Наурыз қоржын», «Шашу» тақырыптарында тәрбие сағаттары

22 наурыз мерекесіне орай барлық сыныптарда «Наурыз: дәстүр мен жаңарудың үндесуі», «Наурыз қоржын», «Шашу» тақырыптарында тәрбие сағаттары ұйымдастырылып өткізілді.
Наурыз – қазақ халқының ежелден келе жатқан ұлттық мерекесі, табиғаттың жаңарып, жаңа жылдың басталуын білдіретін ерекше күн. Бұл мереке халықтың салт-дәстүрін, әдет-ғұрпын, ұлттық құндылықтарын дәріптейді. «Наурыз: дәстүр мен жаңарудың үндесуі» тақырыбындағы тәрбие сағаты оқушыларды қазақ халқының бай мәдениетімен таныстыруға, Наурыз мерекесінің мәні мен маңызын түсіндіруге бағытталады. Сонымен қатар «Наурыз қоржын» және «Шашу» дәстүрлері арқылы халықтың қуаныш пен жақсылықты бөлісу, береке мен молшылық тілеу сияқты ізгі қасиеттері насихатталады.
Мақсаты:
Оқушыларға Наурыз мерекесінің тарихы мен ұлттық дәстүрлерін таныстыру, «Наурыз қоржын», «шашу» сияқты салттардың мағынасын түсіндіру арқылы ұлттық құндылықтарды құрметтеуге, халық мәдениетін қадірлеуге тәрбиелеу, бірлікке, мейірімділікке және татулыққа баулу.