ДОСБОЛLIKE жобасы аясында «Мен – мейірімді доспын»

Бастауыш сынып мұғалімі Балабекова Ж.С. 4-сынып білім алушыларымен ДОСБОЛLIKE жобасы аясында «Мен – мейірімді доспын» тақырыбында тәрбие сағатын өткізді.

Тәрбие сағатының дәйексөзі ретінде Леонардо да Винчидің «Көп еңбек еткенге бақыт басын иеді» нақыл сөзі негізге алынды.

Сабақтың мақсаты:
 Оқушыларға буллингтің зияны мен оның салдары туралы түсінік беру. Өздерін қорғай білу дағдыларын дамыту. Мейірімділікке, достық қарым-қатынасқа тәрбиелеу.

Сабақ барысында оқушылар буллинг ұғымымен танысып, оның түрлері мен алдын алу жолдары талқыланды. Оқушылар бір-біріне құрметпен қарау, қолдау көрсету, мейірімді болу туралы пікір алмасты. Түрлі жағдаяттық тапсырмалар арқылы өздерін қорғау және дұрыс әрекет ету дағдылары қалыптастырылды.

Қауіпсіздік сабағы:
 «Табиғат аясында демалу кезіндегі қауіп-қатерден сақтану» тақырыбында түсіндірме жұмыстары жүргізілді. Оқушыларға табиғатта демалу кезінде қауіпсіздік ережелерін сақтау, отты дұрыс пайдалану, белгісіз жерлерге бармау, су айдындарының маңында сақ болу қажеттігі түсіндірілді.

Мақсаты:
 Табиғат аясындағы демалыс кезінде тәртіп ережелерін талқылау, демалыс орындарында негізгі қауіпсіздік ережелерін сақтауға үйрету.

Күтілетін нәтиже:

• Оқушылар буллингтің зияны мен салдарын түсінеді; 
• Өздерін қорғай білу дағдыларын меңгереді; 
• Мейірімділік пен достық қарым-қатынастың маңызын ұғынады; 
• Табиғат аясындағы қауіпсіздік ережелерін біледі және сақтайды. 

Кері байланыс:
 Сабақ соңында оқушылар өз ойларын білдіріп, достық пен мейірімділік туралы қорытынды жасады. Қауіпсіздік ережелерін атап, өмірде қолдануға дайын екендіктерін көрсетті.

Бағалау:
 Оқушылардың белсенділігі мен тапсырмаларға қатысуы қалыптастырушы бағалау арқылы бағаланды. Ауызша кері байланыс беріліп, мадақтау жүргізілді.

Қорытынды:
 Тәрбие сағаты тәрбиелік мәні жоғары деңгейде өтті. Оқушылар достық пен сыйластықтың маңызын түсініп, қауіпсіздік дағдыларын меңгерді.