"Жас сарбаз" патриоттық ойындары

№30 жалпы орта білім беретін мектебінде оқушыларды отансүйгіштікке тәрбиелеу, Ұлы Отан соғысы және Ауған соғысы ардагерлерін, сондай-ақ тыл еңбеккерлерін құрметтеуге баулу мақсатында 9 - 10 сынып оқушылары арасында мектепішілік "Жас сарбаз" патриоттық ойындары өткізілді.
Іс-шара барысында оқушылар батырлар ерлігі туралы мәліметтермен бөлісіп, түрлі кезеңдер бойынша өз білімдері мен шеберліктерін көрсетті. Қатысушылар Отан тарихына қатысты танымдық тапсырмаларды орындады.
Аталған іс-шара жас ұрпақтың ел тарихына деген құрметін арттырып, ерлік пен батырлықты үлгі етуге бағытталды. Осындай тәрбиелік мәні зор шаралар оқушылардың бойында патриоттық сезімді қалыптастыруға өз үлесін қосады.