Онкүндік «Сынып жетекші – тәрбие шебері»

Мектепте 2.02 күні сынып жетекшілер онкүндігінің салтанатты ашылуы өтті. Онкүндік «Сынып жетекші – тәрбие шебері» тақырыбында ұйымдастырылды. Аталған онкүндіктің негізгі мақсаты – сынып жетекшілердің тәрбие жұмысындағы кәсіби құзыреттілігін арттыру, шығармашылық әлеуетін дамыту, тәрбие үдерісінде қолданылатын заманауи әдіс-тәсілдерді тиімді пайдалану жолдарын насихаттау, сондай-ақ педагогтер арасында озық тәжірибе алмасуға ықпал ету.
Онкүндік барысында сынып жетекшілердің тәрбие жұмысының жүйелі түрде жүргізілуіне баса назар аударылып, оқушылардың тұлғалық дамуына бағытталған тәрбиелік іс-шаралардың маңыздылығы айқындалады. Сонымен қатар, ұлттық құндылықтарға негізделген тәрбие беру, рухани-адамгершілік, патриоттық, құқықтық және эстетикалық тәрбие бағыттарын жетілдіру мәселелері қарастырылады.
Аталған онкүндік сынып жетекшілердің кәсіби шеберлігін шыңдауға, тәрбие жұмысының сапасын арттыруға, педагогтердің жауапкершілігін күшейтуге және мектеп пен оқушы, ата-ана арасындағы ынтымақтастықты нығайтуға бағытталған.