«Жылдамдық – басты күш»атты спорттық жарыс
Байсейіт Жылкелдин атындағы №30 жалпы орта білім беретін мектебінде 2025 жылдың 10- маусым күні мектеп жанында «Күншуақ» сауықтыру лагері аясында бастауыш сыныптың дене шынықтыру пәні мұғалімі Шамилов Бақытжан ұйымдастырған «Жылдамдық – басты күш»атты спорттық жарысты сәтті, жоғары деңгейде өткізді.
Іс-шараның негізгі мақсаты – оқушылардың жылдамдық қасиетін дамыту, ептілік пен шапшаңдықты арттыру, қозғалыс белсенділігі арқылы денсаулықты нығайту және жарысқа деген қызығушылығын арттыру. Мұғалім түрлі жаттығулар мен эстафеталық жарыстарды тиімді үйлестіре отырып, оқушылардың белсенділігін, ұйымшылдығын және ынтымақтастығын арттыра білді.
«Жылдамдық – басты күш» сайысы барысында балалар өздерінің физикалық қабілеттерін шыңдап, спортқа деген ынтасын арттырды. Шара тартымды, қауіпсіз әрі тәрбиелік мәнде өтті.
