"Қатесіз болашақ» театрландырылған қойылым

Мектепте өткізілген «Заң және тәртіп» айлығы аясында «Заң және балалар: "Қатесіз болашақ» тақырыбында 2–3 сынып оқушылары арасында театрландырылған қойылымдар ұйымдастырылды. Аталған іс-шараны сынып жетекшілері Шолпанкулова Р. мен Мырзахметова Н. өткізді.
Іс-шара барысында оқушылар заң, тәртіп, жауапкершілік тақырыптарын сахналық көріністер арқылы бейнелеп, өз рөлдерін белсенді әрі қызығушылықпен орындады. Театрландырылған қойылымдар оқушылардың құқықтық сауаттылығын арттырып, дұрыс мінез-құлық қалыптастыруға ықпал етті.
Өткізілген іс-шара оқушылардың шығармашылық қабілеттерін дамытып, олардың заңға деген қызығушылықтарын арттырды және тәрбиелік мәні жоғары болды.