2026 жылдың 3- маусым күні «Күншуақ» сауықтыру лагерінің жоспарына сәйкес мектеп жанындағы жазғы лагерь аясында өткізген бастауыш сыныптың топ жетекшілері жоспар бойынша «Достық» күніне «Дос боламыз бәріміз»  мультфильм, «Досыма хат» тақырыбында ұйымдастырып өткізді.

Мақсаты:

• Балалар арасында достық, сыйластық және сенімді қарым-қатынас орнату
• Эмпатия, өз ойын еркін жеткізу, пікір алмасу дағдыларын дамыту
• Адамгершілікке, бір-біріне қамқор болуға баулу

Шараның мазмұны:

Іс-шара барысында балалар:

• «Досыма хат» атты жаттығу арқылы досына арнап хат жазып, жақсы тілектерін білдірді
• «Жылы сөздер шеңбері», «Сен маған керексің», «Жолдасыма тілек» сияқты топтық ойын-жаттығуларға қатысты
• Бір-бірімен ашық, сенімді әңгімелесіп, ұжыммен үйлесімді әрекет етуге дағдыланды
• Қарым-қатынастағы кедергілерді жеңу, бір-бірін түсіну жолдарын үйренді

Күтілетін нәтиже:

• Балалардың арасында достық пен бірлік күшейді
• Өз ойын еркін, мәдениетті түрде жеткізе білді
• Эмоциялық қолдау мен ұжыммен бірлесе жұмыс істеу қабілеті артты
• Жағымды қарым-қатынас дағдылары қалыптасты

Мақсаты:

• Оқушылардың спортқа деген қызығушылығын арттыру;
• Салауатты өмір салтын насихаттау;
• Шығармашылық қабілеттерін дамыту және өз ойын еркін жеткізуге баулу.

Шараның мазмұны:

Іс-шара барысында оқушылар спорттың түрлері, денсаулықтың маңызы туралы әңгімелесті. Балалар өздерінің сүйікті спорт түрлері жайында ой бөлісіп, спортпен шұғылданудың пайдасын талқылады.

Сурет салу бөлімінде қатысушылар «Біз спортты жақсы көреміз» тақырыбында суреттер салып, футбол, волейбол, жүзу, гимнастика және басқа да спорт түрлерін бейнеледі. Әр оқушы өз жұмысын таныстырып, суретінің мазмұнын түсіндірді.

Шара барысында оқушылар белсенділік танытып, шығармашылық жұмыстарын қызығушылықпен орындады.

Күтілетін нәтиже:

• Оқушылардың спортқа деген қызығушылығы артты;
• Салауатты өмір салты туралы түсініктері кеңейді;
• Өз ойын еркін жеткізу және шығармашылық қабілеттері дамыды;
• Денсаулықты сақтау мәдениеті қалыптасты.

Мақсаты: Мектеп жанындағы жазғы лагеріне келген әрбір оқушыны алдымен жақсылыққа, адамгершілікке, ұйымшылдыққа тәрбиелей отырып, оқушылардың жазғы демалыс уақытын тиімді пайдалана білуге үйрету.

Лагерге тынығушы балаларымыз өз өнерлерін паш етіп, ашық аспан астында түрлі ойындар ойнатылды. Түрлі түсті бояулармен асфальтта суреттер салды. Кітапханашы: Кадырова П. «Балалар кітап әлемінде» атты тақырыбында оқушыларға ертегі оқу ұйымдастырды.

Лагерь барысында балалар жазғы демалыс уақытын тиімді өткізеді, шығармашылықпен айналысады, дамытушы ойындар арқылы қызығушылықтары арта түседі деп мол сеніммен айта аламыз!

1 маусым – Балаларды қорғау күніне орай ауданымызда “Алтын балалық шақ»” атты мерекелік іс-шара ерекше сән-салтанатпен өтті.⠀

Мерекелік алаң түрлі-түсті шарлармен, гүлдермен безендіріліп, балаларға қуаныш пен шаттық сыйлайтын көрініске айналды. Мектеп директоры Тұрсынов Ж. балаларды мерекелерімен құттықтады. Лагерь кезіндегі қауіпсіздік ережелерімен лагерь басшысы Ж.С.Балабекова түсіндіріп өтті.

Іс-шара ерекше әсер сыйлап, олардың жүздеріне шаттық пен күлкі ұялатты. Балғындардың қуанышы бұл күннің басты көрінісіне айналды.

• Мектебіміздің өнерлі оқушылары сахнада өз таланттарын көрсетіп, ән мен би арқылы көрерменнің ыстық ықыласына бөленді.  
• Мектептің директордың тәрбие ісі жөніндегі орынбасары Едилова Ж.Ы. балаларды мерекемен құттықтап, оларға ақжарма тілегін арнады. Сонымен қатар, демеушілер атынан оқушыларға арнайы сыйлықтар табыс етілді.

Топ жетекшілері: Мырзахметова Н. Шолпанкулова Р. Булантаева А.