Тәрбие сағатының дәйексөзі ретінде «Ар-намыс қана тәуелсіздікке тірек бола алады» деген нақыл сөз негізге алынды.

Сабақтың мақсаты:
 Ұлыстың ұлы күні – Наурыз мерекесі туралы білімдерін тереңдету. Оқушылардың ауызекі сөйлеу дағдыларын дамыту арқылы дүниетанымын кеңейту. Наурыз мерекесінің маңызын түсіндіру, ұлттық салт-дәстүрлермен таныстыру, бірлікке, сыйластыққа және ұлттық құндылықтарды құрметтеуге тәрбиелеу.

Сабақ барысында оқушылар Наурыз мерекесінің шығу тарихы, маңызы, қазақ халқының ұлттық дәстүрлері мен әдет-ғұрыптары туралы мәлімет алды. Оқушылар өз ойларын еркін жеткізіп, ұлттық құндылықтар туралы пікір алмасты.

Қауіпсіздік сабағы:
 «Бейтаныс адамға өзімізге қауіпсіз болатындай қалай көмектесуге болады?» және «Теміржол өтпелері» (ЖЖЕ №4) тақырыптары бойынша түсіндірме жұмыстары жүргізілді. Оқушыларға бейтаныс адамдармен қарым-қатынас кезінде сақ болу, қауіпсіздік ережелерін сақтау, сондай-ақ теміржол өтпелерінен өту кезінде жол жүру ережелерін сақтау қажеттігі түсіндірілді.

Мақсаты:
 Бейтаныс адамдармен байланыс кезінде қауіпсіздік дағдыларын қалыптастыру, төтенше жағдайларда дұрыс әрекет етуге үйрету.

Күтілетін нәтиже:

• Оқушылар Наурыз мерекесінің мәні мен маңызын түсінеді;
• Ұлттық салт-дәстүрлер туралы білімдерін толықтырады;
• Бірлік пен сыйластықтың маңызын ұғынады;
• Қауіпсіздік ережелерін сақтауға дағдыланады.

Кері байланыс:
 Сабақ соңында оқушылар өз ойларын білдіріп, тақырып бойынша қорытынды жасады. Қауіпсіздік ережелерін атап, өмірде қолдану қажеттігін түсінді.

Бағалау:
 Оқушылардың белсенділігі мен тапсырмаларға қатысуы қалыптастырушы бағалау арқылы бағаланды. Ауызша кері байланыс беріліп, мадақтау жүргізілді.

Қорытынды:
 Тәрбие сағаты тәрбиелік мәні жоғары деңгейде өтті. Оқушылар ұлттық құндылықтарды құрметтеудің маңызын түсініп, қауіпсіздік ережелері туралы білімдерін толықтырды.